أَوَلَمْ يَسِيرُوا فِي الْأَرْضِ فَيَنْظُرُوا كَيْفَ كَانَ عَاقِبَةُ الَّذِينَ مِنْ قَبْلِهِمْ ۚ كَانُوا أَشَدَّ مِنْهُمْ قُوَّةً وَأَثَارُوا الْأَرْضَ وَعَمَرُوهَا أَكْثَرَ مِمَّا عَمَرُوهَا وَجَاءَتْهُمْ رُسُلُهُمْ بِالْبَيِّنَاتِ ۖ فَمَا كَانَ اللَّهُ لِيَظْلِمَهُمْ وَلَٰكِنْ كَانُوا أَنْفُسَهُمْ يَظْلِمُونَ
അവര്‍ ഭൂമിയില്‍ സഞ്ചരിക്കുകയും എന്നിട്ട് തങ്ങള്‍ക്ക് മുമ്പുള്ളവരുടെ പര്യ വസാനം എങ്ങനെയായിരുന്നുവെന്ന് നോക്കിക്കാണുകയും ചെയ്യുന്നില്ലേ? അ വര്‍ ഇവരെക്കാള്‍ ശക്തന്മാരായിരുന്നു, അവര്‍ ഭൂമിയെ നന്നായി കിളച്ചുമറിച്ച് ഉപയോഗപ്പെടുത്തുകയും ഇവര്‍ വികസനം നടത്തിയതിനേക്കാള്‍ കൂടുതല്‍ വികസനം നടത്തുകയും ചെയ്തിരുന്നു; അവരുടെ പ്രവാചകന്മാര്‍ അവരിലേക്ക് വെളിപാടും കൊണ്ട് വന്നിട്ടുമുണ്ട്, അപ്പോള്‍ അല്ലാഹു അവരോട് അക്രമം ചെയ്യുന്നവനായിരുന്നില്ല, എന്നാല്‍ അവര്‍ അവരോടുതന്നെയാണ് അക്രമം കാണിച്ചുകൊണ്ടിരുന്നത്.
മുന്‍തലമുറകളെ അപേക്ഷിച്ച് ആധുനിക തലമുറകള്‍ക്ക് അഭിമാനിക്കാന്‍ ഒന്നുമില്ല. മറിച്ച് മുന്‍ഗാമികള്‍ ഭൂമിയെ ഉഴുതുമറിച്ച് കൃഷിചെയ്ത് വിളവെടുത്തിരുന്നവരും ഇപ്പോ ഴുള്ളവരെക്കാള്‍ കാര്യക്ഷമമായി വലിയ വലിയ നിര്‍മാണ പ്രവര്‍ത്തനങ്ങള്‍ നടത്തിയിരു ന്നവരും ഇപ്പോഴുള്ളവരെക്കാള്‍ ആരോഗ്യവും ആയുസ്സും കൂടുതലുള്ളവരുമായിരുന്നു. അവരിലേക്ക് നിയോഗിക്കപ്പെട്ട പ്രവാചകന്മാര്‍ ജീവിതലക്ഷ്യം വിവരിക്കുന്ന അദ്ദിക്റും കൊണ്ട് അവരിലേക്ക് ചെല്ലുകയും അവര്‍ അതിനെ തള്ളിപ്പറഞ്ഞ് അക്രമികളാവുക യും ചെയ്തപ്പോള്‍ അവരുടെ പ്രവര്‍ത്തനം കാരണം അവര്‍ നാശത്തിന് വിധേയരാവു കയാണുണ്ടായത്. അദ്ദിക്റിനെ ഉപയോഗപ്പെടുത്താതെ ഇനി എല്ലാവരും അക്രമികളായി മാറുമ്പോള്‍ ലോകം അവസാനിക്കുന്നതും വിധിദിവസം നടപ്പില്‍ വരുന്നതുമാണ്. 16: 36; 28: 40, 50; 29: 40 വിശദീകരണം നോക്കുക.